Ferhat Tunçî waşt wa domanî mekteban de dersa Kurdkî weçînê

Ferhat Tunçî waşt wa domanî mekteban de dersa Kurdkî weçînê

Hunermendo Dêrsimij Ferhat Tunçî keyeyan ra waşt ke, wa hetkarîyê bidê dersa weçînitî ya Kurdkî û domanê înan mekteban de dersa Kurdkî, Kurmancî-Zazakî weçînê.

AMİDA HABER- Hunermend Ferhat Tunç o ke mîyanê şarî de yeno heskerdiş û nika semedê cezayêka xo Ewropa de de maneno, semedo ke gedeyî dersa weçînitî ya Kurdkî biweçînê vîdyoyêke hadre kerd, erşawit Amida Haber û waşt wa domanî (gedeyî) dersa Kurdkî biweçînê. Tunçî waşt ke gedeyî ziwanê xo qisê bikê, bimusê ke wa ziwanê Kurdkî nêmiro.

“Wa domanî ziwanê xo bimusê ke ziwanê ma nêmiro”

Ferhat Tunçî peyama xo de wîna vano “Zonê ma de vanê ke, “Teyrî ebi perrê xo dar û ber ebi liskê xo mordemî zî ebi zonê xo estê. Coka ganî ma zonê xo rê wayîr vejîme. Coka ez wazena ke domanê ma mekteban de dersa weçinitî ya kirmanckî weçînê. Wa domanê ma xo vîrî ra nêkê û mekteban de ziwanê xo weçînê. Domanê ma zonê xo qisê bikê, bimusê ke wa zonê ma nêmiro. Bimanêne weşîye de.”

Abîyayîşê wendegehan ra badê pey wendegehan de demê dersanê weçînayîyan dest pêkerd. Nika wendekarî eşkenê mekteban de dersa weçînitî ya Kurdkî biweçînê. Demê muracatî yo peyên 10ê Sibate yo. Keyeyî ganî hetanî 10ê Sibatê muracat bikê. Keyeyî eşkenê e-devlet ser ra zî dersa weçînitî rê muracat bikê. (Amida Haber)

Etiketler :
HABERE YORUM KAT
UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.