Dîyarbekir - Çirra seserreyîne bîya xirbe!

AMİDA HABER - Dîyarbekir de bi nameyê Çirra Hatun Kastal a ke dewrê Osmanîyan de ameya viraştene nika bîya sey xirbe. Çirra ke seserreyîn a û seba Dîyarbekirî mîrsanê kulturîyan ra yew a, zemanêk heywanî tira awe şimitêne. Xora mîyanê Sûrî de 64 hebî çirrî estê û na çirre zî înan ra yew a. Labelê zaf çirrî zî semedo ke wayîrê ci nêvejîya, vindî bîyê, yan zî awa înan peysa.

Çirra Hatun Kastal a ke Mîyanê Sûrî de ca gêna ra bi serrano ke tira awe nêna. Goreyo ke vajîyeno rîyê xebeta rayîrî ra cayê awa çirre bedilyayo û awe peysaya. Demêk badê zî semedo ke miqatê ci nêbi zerar dîya. Her çiqas semedê restorekerdişê aye verê cû xebatêke ameya kerdene zî semedo ke a xebata ewnîyayîşî nême de menda çirre êdî anêgêraya halê xo yê verênî ser.

‘Wa bê Restore kerdene’

Semedo ke çirre nêna pawitiş, dordorê aye pêro bîyo qirşûqale (Çop) semedo ke wa Çirre ke semedê Dîyarbekirî mîrasanê verênan ra ya ageyra halê xo yêr verênî, dezgeyê eleqedarî ganî ser o xebate bikê û wayîrê ci vejîyê .