Rojane nêm ton roşîyêne: Şîranî û çigkufte sey verî nêroşîyenê

AMİDA HABER - Her serre wexto ke aşma Ramazanî amêne hema her koşeyê Dîyarbekirî de dezgeyê Çîgkufte û Şîranîya Helqa amêne ronayîş. Şarê Dîyarbekirî zî tehmê mehelî yê Dîyarbekirî Çîgkufte û Şîranîya Helqa erînayêne.

Porsîyeno Çîgkofteyî par 40 Tlbi la emser 200 TL yo. Kîloyê Şîranîya Helqa zî par 40 TL bi la emser bîyo 100 TL. Bi no qayde fîyatê înan se ra 300 zêdîya la rotişê înan zî se ra 60 kewto.

‘Rorişê înan se ra 60 kewto’

Mahmut Ozkan o ke serra 1978î ra nata çîgkufte roşeno vano “ Her serre muderîyê ma yê daîmî estbî. La semedo ke emser vayîya çîgkufteyî se ra 200 -300 zêdîyayo ma ser verî karê xo ra razî nîyê.

‘Ma verî rojane 500 kîlo rotêne’

Şîranîroş Mahmut Kayayî zî îzah kerd ke, rîyê feqîrîye ra rotişê înan zaf kêmîyayo û wîna va “ Goreyê serra verêne rotişê ma de se ra se kîmbîyayîş esto. Ma par kîloyê Şîranîya Helqa 40 TL ra rotêne la emser bîya 90 TL. Ma par rojane 500 kîlo rotêne. Hînî şar sey verî nêeşkeno bigîro. Halbukî şîranî tewr erzane Şîranîya Helqa ya. Êdî sifreyan de Şîranîya Helqa zî çin a.” (Zelal Sinayiç)