7 aşmî nêşibi gure meaş girewt: Wezîfeyo newe dîya ci

Amida Xebere - Sekreterê Pêroyî yê Şaredarîya Bajarê Girdî yê Dîyarbekirî yo verîn Ayhan Kardan, Wezîrîya Spor û Ciwanîye de sey hetkarê mudirî ame tayînkerdiş
Zanîya ke 7 aşmîyo ke nêşîyo kar la meaş girewto
Ayhan Kardan o ke aşma Gûlane de Sekreterîya Şaredarîya Bajarê Girdî yê Dîyarbekirî ra ame dûrîvistiş, hewt aşmîyo ke meaşê xo Şaredarîya Dîyarbekirî ra gêno. Ayhan Kardan hetê Walîyê Dîyarbekirî yo verîn Münir Karaloğluyî ra ardîyabi Dîyarbekir. Kardan pê fermanê Karaloğluyî zî bibi Sekreterê Pêroyî yê Beledîyeya Dîyarbekirî.

Walîyo newe wezîfe ra girewt

Karaloğluyî ra badê pey Qayûmo newe Ali İhsan Su o ke tayînê Beledîyeya Dîyarbekirî bibi mîyanê beledîye de revîzyon kerdbi û Ayhan Kardan wezîfe ra girewt. Walî Ali İhsan Suyî herinda Kardanî de wezîfeyê Sekreterîya Pêroyî dabi Abdullah Çiftçi. (Merkezê Xeberan)