Hûmara 74. ya Kovara Vateyî weşanîya

Hûmara 74. ya Kovara Vateyî weşanîya

Kovara kultur û hunerî ya Vateyî bi hûmara xo ya 74. resa verê destê wendoxan. Na hûmara kovare de babetê cîya bi cîyayî hetê nuştoxan ra ameyî nuştiş.

AMİDA HABER - Na hûmare de nuşteyêkê Mehmûd Nêşiteyî yo rehmetî bi nameyê “Vîrameyîşê mi -1-” ca gêno. Hûmara 74ine de nuştoxî Enwer Yilmaz, J. Îhsan Espar, Ugur Sermîyan, Îsmet Bor, Îdrîs Yazar, Resul Yildirim, Aydın Batur, Akman Gedîk, Mistefa Gomayij û Selîm Temo bi nuşte, roportaj, hîkaye, cigêrayîş û şîîranê xo ca gênê.

Weşanxaneyê Vateyî ke bi taybetî Kirmanckî (Zazakî) ser o xebetîyeno û heta nika bi seyan kitabî û 73 hûmarê Kovara Vateyî çap kerdî, humara 74. ya Kovara Vateyî weşana. Kovara ke hîrê aşman ra reyke vejîyena, na hûmare ci zî sey ê bînan bi babetanê muhîman û zaf renginan dekerde ya.

Kovara Vateyî ke serra 1997’î ra nata safî bi Kirmanckî yena weşanayene, ziwan, kultur, huner û xeylî babetanê bînan bi Kirmanckî wendoxanê xo rê pare kena. Kovara ke 27 serrîyo ke bi hawayêko perîyodîk weşanê xo domnena, averşîyayîş û standardbîyayîşê Kirmanckî de wayîrê rolêkê muhîm a. (Amida Haber)

HABERE YORUM KAT
UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.