Pîra mîn wextê ko qarîne, hîrs bîyêne vatenê; ''Şîma pêro toximê goza xîjê, goza xîje.'' Bî raştî na goza xîje bî serran manayê caye dî mezgê mîn sewt dayêne. Mîn vatene pîra mîn vana sey? Pîra mîn marê zewtan vatane ya dûayan kerdîne? Bî raştî no demde mîn nêzanê vateyê pîra yenê çî menayan.

Dewe de darê gozan zafî bî û her darêke nameyê cayê bîvyêne, sey merdîman nameyê darê gozan ameyîne namkerdene; Gozêra Mîhî, Gozêra Apê Sebrî, Gozêra Hîsî, Gozêra Apê Mistî, Gozêra Kîşyere, Gozêre Gumeyî, Gozêra Mezelan

Belê darê gozêrî sey merdîman ameyêne namkerdene, la mîyanê xo de dî tewrî darê gozêrî estbîy; gozêra xîje û gozêra poxê.

Gozêra poxe, gozê caye pîlî û gîrs bîyene, qalîka caye tenîk, dendîkê caye rehet û kakêlî tîpêro vejyêne. Leze şîkyêne, dendîkê pêro ameyêne tever. Şîkîtîşê goza poxe rehet bîyêne, dendîkê caye weş bîyêne. Gozê poxî qey werdîşî, qey meşlulan ameynê avernaye.

Gozêra xîje, gozê caye kîcîkî û werdî bîyêne, qalîka caye qalin, dendîkê caye zor û kakêlî tîpêro nêvejyêne. Leze nê şîkyêne, dendîkê pêro nê ameyêne tever. Şîkîtîşê goza xîje rehet nê bîyêne, dendîkê weş nê bîyêne. Gozê xîjê qey rotîşî, qey sabunî ameyêne vîrnaye kerdîne. Dendîkanê gozanê xîjan ra sabun vîraştayêne.

Dewe de zaf çî bî zanayîş nê ameyêne kerdîş, her çî dî xozayê xo de bî tecrûbane verînan serde yeno vîraşteş. Hedîseya goza xîje jî dî na mîjare de bî. Goza xîje çî ra xîja nê ameyêne pers kerdîş, qey înan çare çî nê bî. Goza xîje, xîj bî care cînê bî. La pîra mîn xo rî çareyêk vîraştibî. Bi no çareyê xo waştêne goza xîje bîkero goza poxe. No çareyê pîra mîn, bê çareyê bîn bî, nê bîyêne û pîra mîn îno dîyêne. No dîyayîşo bîçareyî bîyêne zewtî, mare ra varêne. Ez şahîde na bîçareyî ya pîra xo bîya.

Ez înê malumatan qey çî nusnena? Ez înê malumatanê dana ku, cer de hedîseya eslî, têkîlya dara goze ra xîje, û têkîlîya pîra xo û zewtanê ameynê kerdene bîyarê nuşteyan ser.

Gozêra Gumeyê, gozêrêka xîje bî, la zaf gozî gurewtîne. Daran vîlîke dayêne, daran pelê xo akerdîne. Demserra wesarî bî, wexte wekan bî, dest mîn destê pîra minde mîyanê hegan ra heta Gozêra Gumeyî ra şîyêne. Pîra mîn hetîke ra mîn re deyîrî vatêne, heto bîn ra çîme xo zîxt kerdîbî aynêne Gozêra Gumeyî ra.

Verê kokê gozere de vîndert û fek kerd a vatê:

- Gozê gozê kok qiluzê,

-Ti derga derga sey Kilopî berza,

-Gozê to zaf kîcîkê û xîjîk kê,

-Gîlê to sey koyê Belekurê bî ters ê,

-Gîlçîkê to sey muyanê bîza lexer ê,

-Bêre anu meke xo aker re,

-Sey heranê wesarî me zîre,

-Xo bîkerî poxe, ez do bî dê to sey û xoxe,

-Ti bî de ma gozanê poxen,

Pîra mîn dara gozer ra îna vatêne, la dare çî vatenê, ez nêzana. Bî herekatîn pîra mîn dare jî pîra mînra çîyî vatêne. Çîmkî pîra mîn vatêne û vînderdîne, kasê ku dare jî vateyê xo vatanê reyna dest bî vatêneyanê xo kerdîne.

Demêko zîdeyîn, kasê dî- hîrê seêtan destê mîn destê pîra mîn de, pîra mîn jî derû dorê kîrna Gozêra Gumeyî ra geyrênî. Sey kewtêbî dînyê ka bîne, dara gozêre dî rê kal kerdîne, dayêne pêro, dare ra nengî vatênê, zewtî dayêne.

Belê dara gozêra xîje, nê bî poxe. La na hedîsa nê juyerî ra ameya vatîş, nê jî nê şîyêne vîrê mîn ra. Gozêra xîje û qîrêneya ''Şîma pêro toximê goza xîjê, goza xîje.'' mendê mezgê mînde.