Name min Bahri. Ez Mamosteyê Felsefê ya. Wîst û çar serrî yo ez mamostayî kena. Ez pancas serrî ya, zewajnayê ya. Dî gedeyê/ tutê/ domanî mîn estê; yew lejeko ya dîyîne keyneka. Ez qezaye Amed’î/ Dîyarbekîr’î Kulp/ Pasor’a wa. Pasor, qezaya Dîyarbekîr’i a hinî durrî ra wo.

Ma bixo dewêjî yê, ez devdi amibya dinya. Namê dewa ma Yaylak/ Eskar’a, wîst kîlometro Pasur’î ra durrî ya. Keyê dewî jobînra vilaybî, jobîn ra zaf durrîbî. Dewê ma çar mezra yî bi. Namê mezra ma Mezra Xêzîr bî. Dorê mezra ma hemi koyî berzî bî; Koyê Belakûrre, Koyê Kovêke, Koyê Şînagge, Koyê Nuvetî... Dewêka zaf asîya. Reya ereban çînyo, elektrîk çînyo, nika dewdejî jo çînyo.

Ez wazena îno heftî yê di kîjîya xo/tutîtîya/domanîya xo binusî. Tutîtîya/domanîya mîn dewde despêkerd, heta hewt serriya xo dewde viyerte. Dewde mektebi çinbi. İnanki mektep wendê şênê yatili. Ez heşt serride şiya mekteba evlin aya yatilî. Dima mekteba ortayînejî mîn yatili de wend. Name mekteba ma TEYBO bî (Temel Eğitim Yatılı Bölğe Okulu) Min heşt serri ina mektebe de wend.

Deva ma Eskar di pancas keyî estbî. Inê pancas keyî çar malbatîbî; Kêyê Wesi, kêyê Baflan, kêyê Dekkan û kêyê Ase. Mara vaten kêyê Ase; Ase pîrîkê mîn bî, ma Mezra Xêzîr de jîyênê. Mezra Xêzir de hîre kêyê estbî. Kêye Sadikê Sihî, kêyê Hecî Ehmedî û kêye ma, yani kêyê Ase. Dewde mara vatênî kêyê Ase.

Ez di serra hezar û newse û hewtêy dîyandi amibya dînya.(1972) Heta çar serrîya xo çîk nîno vîrrîya mîn. La o çîko qu yeno vîrayê mîn, ez keyftîbiya Quleteyn. Quleteyn, verê kê made vîraştibi, pîrê awe bîyenê. Lînge mîn şeketyabî û ez kevtêbîya mîyanî awe. Mayê/dayê mîn ez quletenyra vetbîya û bermînê, awe fekê mîn ra vejyenê. Mîn îna nêkerdî xo vîrya, hennû wîrê mînde debi. Vîrbîyayîşî mîno tututî/domanîya evîl îno bî; mîn hinjî nêkerdo xo vîrîya.

Qayo ko erdlerzayîşî lîcê yeno vîrê mîn. Payız bî, ma cûweynî quwnê. Erd lerzabi, kêyê ma hejakyaybi. Dayê/mayê mîn îka vana to vatenê ‘’lulîkî ez hejaknava’. Îno lulîk, mire zaf bîwe merak, gelo çîra mîn vatîbî lulîkê ez hejaknawa? Gello erdlerzîyayîş çîra mîn ra bîwî lulîk?

Dewede kîştê kê made, zinarêko pîl estbî. Ma îno zînarra vatê kîlop. Rojek ez şuwanê bizêkan bîya. Mîn veng da dayo xo, la zinnara zî vengê mîn ra vegara. Ez remava amya kê, mîn daye xora vatenê kilopte lulik esto, ez vane se oyîk mîn tekrar keno. Maye mîn hevêna û, vatenê, o lulîk nîyo, vengo to zînnar ra ageryeno.

Weqto demê wesarî despêkerdê, gedeyan/ tutan/domanîyan xorî xîlçê vîraşte. Ma bî xilçan pîvokî, gîzêrî û kengeri erd ra vetenê. Weqto demê hamini despêkerdî, ma gedyan/tûtan/domanî yan xorî darr ra kardî vîraşte. Ma bî kardî kengeranra kanikê benîştî vîraştê. Weqto demê payıze despêkerdî, ma gedeyan/ tutan/domîniyan xorî rotî vîraşte. Ma bî rotan gozî daranra ardê war. Weqto demê zîvîstanî despêkerdî, ma gedeyan/ tutan/domîyan xorî textan ra tawîk vîraşte. Ma bî tawîkan xo wore serdî şemetnênî

Ez dewîja, dewede bîya pîl; La mîn xo şarîstan de nas kerd. Mîn xo şarîstan de naskerd, la ez şarîsrtandejî bîya vînnî. Ez xo bi xo geyrana, ez xo bî xora vîndîya. La ez dewîja, dewde hêşmendîya min bîn gurevtbî; la şarîstan de hêşmendî bîvaya hîra. Marê dewe lazîma, marê şarîstan jî lazimo; dewê ka cuyayê şarîstanî etbî, şarîstîanîya cuyayê dewe davo xo ra.

Ez dewere heskena, la ez geedek ko/ tutêk/ domanê ko dewêja; mîn dewa xo kerda vînnî, ez dewe û dewîjîya xo geyrana. Çunkî çukêyên cuya ya mîn dewde lîmnayo.