Nûştox îlhamî SERTKAYA yo. No roman bi name yê Kilama Şîlane amîyo vîraştiş û

nûşteş. Roman bî nûştena nûştoxî ''Qesa Verî'' destpêkeno, sew û çewres û dî (142) rûpelo,

roman bi hûmaran ameyo beşkerdinê û hewt beşi yo. Mûnîtşê romanî bî beşan destpêkerdî

bîyêne tê dîmra babetê romanî bîye rêze. Roman bi hetê matbaya Kayahan ra, weşanê pêrî ra,

serra dîhêzarî û hewt dî bî çapa yewmînde, aşma hezîranî de Estanbol de amîyo çapkerdiş.

Ahmet ÖNAL edîtorî kerd bîye.

Mezgê mî de mendîbî, la ez nêzana kanco berhemde û kamî no vatiş vatibi. No vatîş bî kîlmî

înakî mezgê mî de mendo; ku merdîm romanêk, şîêrek bîwano, fîlmek, kilamêk goştarî

bîkero, ya merdîm nê romanî ra, nê şîêrî ra, na fîlme ra, na kîlame ra ya merdîm zîde bî vo,

ya jî merdîm nê romanê, nê şiêrî, na fîlme, na kilame zêde bîkero. No fîkîr rewî ra vîrê mî de

bî, mezgê mî de ca gîrewtîbî. Bî fîkrî mî nîka no vate qey nê romanî ameyê vatene.

No roman de aya ku herî bala mîn antîne; kilame çînyay bî, Şîlan kilam xo nêvajena. Mî zaf

meraq kerdîne, yo Şîlane kîngê dest bî kîlam xo bîkero. La roman kedya; kilame çînya. Mî

vîna ku Şîlane derdanê xo kena kilmê û kilaman kerdbîye zerrîya xo; cûyayê Şîlan bî xo

kilamêka derg û dîla bî. Na kilama derg û dîla hîma jî yena nûştenê û zerîyê Şîlane de yena

vatîş. Bı gorî wendişê mîn no roman weş amîyo nûşteş. Ez nê romanî ser de rexneyanê xo

nêy, ez wazena hîsan, fîkran û ramananê xo bînûşnê;

Vay lî mî nê vey lî mî nê

Vax lî mî nê dewanê mî rê!

Tenîtîya dewa Pîrcan ra koyan veng dayêne,

Bî ezaman ra weşîtî vîraştîbî, teynêtîya verênan de.

Dara gozêre vengê dîne, kîlamê ka bêvengîy ra,

Keynêka kîçkek, bî çîman xo lornêne kîlama xo.

Ezo kilamêk vajê ko bî lerzo,

Koyê Karerî qey na kîlame berzo.

Vay lî mî nê vey lî mî nê

Vax lî mi nê leyrîka mî rê!

Ez kêneka new serrî, lîngande puncê bî pîrçînî,

Fîstano sûr û pînekerdî, heta lîngan mî derg bî.

Embazê têdîrî kayandebî, kayê hewnan de para mî bî,

Koyan û neqeban de, bîzêk û varekan dîm ra zerrê mî tersbî.

Ezo kilamêk vajê ko bî lerzo,

Koyê Karerî çîmanê mî de berzo.

Vay lî mî nê vey lî mi nê

Vax lî mî nê tersê mî rê!

Ez kêneka new serrî, dest bî mekteb kerdbî,

Şîva malîm verde, çîmê bîhêrsan lerzaybî.

Zerîya mî sîya bîya, mekteb dîsê hepîsxaneyî yê,

Sey qerdîyanan qoreno, her roj malîm ma.

Ezo kîlamêk vajê ko bî lerzo,

Koyê Karerî zerrî mî de berzo.

Vay lî mi nê vey lî mî nê

Vax lî mî nê xortanîya mî rê!

Ez kêneka çares serrî, vero xo dana reyanê şarîstanî,

Karer Çewlîk îzmîr eşkî ez berdane hetanî parîs.

Şîva malîm ez eştbîya zerre yê ko tarî,

Mezgê mîn de vîrazyaybî alozîyek, qu ma kamî?

Ezo kîlamêk vajê ko bî lerzo,

Koyê Karerî bî eşk mî berzo.

Vay lî mî nê vey lî mî nê

Vax lî mî nê xerîbîya mî rê!

Ez kêneka xebatkar, çî ra halê ma hîno belangaz?

Ma çî rê zîwan beno qedexeya karê casûsan,

Ez bîya casusê xo reyna geyra va welatê xo,

Sey cîn û perî esker welat kerdo bîndestê xo.

Ezo kilamêk vajê ko bî lerzo,

Koyê Karerî bî mîj û duman berzo.

Vay lî mî nê vey lî mî nê

Vax lî mî nê heskerdîşê mî rê!

Ez kêneka weşîka xo sero, Fîrar kewtê bî zerrîyê mî,

Kêye dewe yo tarî de çîme mîn kewtîbî bejna dergû barî.

Xortan bî dîzdê kar kerdîne,

Eşkî xo rê bî fîrarî ca vîraştêne.

Ezo kilamêk vajê ko bî lerzo,

Koyê Karerî bî Fîrarî mî berzo.

Vay lî mî nê vey lî mî nê

Vax lî mî nê reywanîya mî rê!

Dewe bîya venge bêvengîya mî de,

Pîya rayan ra ez oxîr kerdîne,

Reyna Îzmîr abîya raya dûrrî,

Fîrar ez kerda maya Dozdar î Parîs de.

Ezo kilamêk vajê ko bî lerzo,

Koyê Karerî Parîs de jî berzo.